Naing Sokola Kepeng Bapa Madalot

-

*Naing sikola kepeng bapa Inang madalot:*


 Tikkan si Paldo kundul I kelas 1 SMA, angan-anganna kennah  naing sarjana Pendidikanmamo nemuken ia, asa boi ia bagi guru-guruna simengajarisa bagendari, sioda ibettoh, sioda ibettoh kalakkin gabe ibettoh . tapi irimangi  ibagasen ukurna, tah pellin nipingo kssa nahan i. sipata lupa ia mangan  ala merangan-angan , tiap hari  ia  merangan-angan, sipata tereluh ia  iterruh batang kopina sambil menggisgis. Oda kinyata, jabnai tamatmo sikola. Isa lalap merangan-angan tentang kuliahngo ia lalap. Kumernaken dengan-denganna karina naing melanjutmo nan mi perguruan tinggi.

Bagendari enggomo kelas 3 SMA si Paldo ndai jabnai tammatmo. Dengan-denganna karina naing lanjut sikola. Kepeken ia pang poda mendokken melanjut, kumerna kinincor orangtuana. Sipata oda terbeggena rana nidengan-denganna, mulak  sikola  kessa , dengan-denganna bimbingenmo karina asa masuk nan kalak I mi perguruan tinggi negeri. Kepeken ia mulak sikkola iganti baju langsung mi juma mengurupi orangtuana I juma asalot mahan belanja kalak I, oh nange piahna kepeken kalak simpogos en, kasakinngo ndia bagen nasip nami en, dok si Paldo enmo sambil merdalan mi jumana.  Sipata odango tertengensa dengan-denganna, dengan-denganna mulak bimbingen embah tas merpakken bagak. Kepeken ia mulak I jumanai merembah sebban. Sipata naing tangisngo ia, tapi da tertagiskensa, oh nage oh bapa bakunenaingo nasipten ninamo ibagasen ukurna, makin mendellemo ia.

Oda piga dekkah nenge UJIAN NASIONALMO kalak I, 3 ari dekkahna, pas ujian terakhir mersisalamenmo kalak I tanda perpisahenna karinana, kerna inaimo terakhir kalak I jumpa mema pengumumen engket mido izajah. Enggo kesaa siap kalak I mersisalamen, mulakmo ia mi sapona, iganti iamo bajuna, baru lausmo ia langsung mi juma. Soh kessa ia mi jumana, pasma meradi kalak omakna engket bapakna I sapo jumana. Idokken iamo” pa, Nange enggo siap aku Ujian nasional mema pengumumen naingo kessa, naing katengku melanjut pa nange” ninamo taba kalak orang tuana. Ialusi omaknamo” kunemi Paldo, kepengtape odangolot, mella kuliah en kessada bue pengeluaren, lain denma uang kuliah, dikenaimo kepengta” imo alus oamkna. Lemasmo iakap, terbayang-bayangmo ia tukkukmu ia, tondalmo keppeken angan-anganki nange kumerna kinincorta inamo mendahi kalak orangtuana en, tereluhmo si Paldo en. Sipmo kalak inangna engket bapana kumerna tangisngo si Paldo dai, nai idokken omakna enmo,” sabar moko pa, odango oda geut kami kipersikkolakenko, kamipe lolongo  mella dates sikkolamu pa, tapi bakune bakinen, ibettohko sendiringo bakune perkepengenta, buen merinjamngo kita, berrastape berras Raskinngo buen, tereluhmo iangnen kiceritaken i , ikantape ikan kepala batungo lalap ipe buenngo oda merikan. Isa sabar moko pa ulangmo leken tengen dengan-denganmi, kalak I beak bapana beak inagna. Sedangkken ko, pogosngo bapamu pogosngo inangmu sambil iapus-apusi grung si Paldo en, makin tereluhngo si Paldo en ibegge kessa kada sini dokken iangnen. Nai ialusi iamo “ue nange sabarpe aku” sambil iapusi iamo eluhna.


Paiahngo keppeken mella Pogos, merinjampe bapa kalak, oda tok kalak kiberre. Kumerna kinincor sondatmo angan-angan si Paldo en lako mendapetken gelar S.Pd i, kumerna  kinimpogos inang dekke bapa, tapi bellipe oda saut ipersikkolaken kalak inangnen ia, tonggo rajin ia mengurupi kalak bapanen I juma. Enggo kessalot setengah Tahun ia tammat, jumpamo si Paldo en dekket dengan sikolana, nai ikuso dengannnenmo ia,” paldo, idikemako melanjut”? oda teralusina kuso-kuso denganna en, tapi tongggo ialoi” oda aku melanjut we”. Nai ikusoi si Paldo en nolamo ia” nai ko cok, idikema melanjut”? mella aku I USUngo we, bah canni iakapko we, jurusen kadeko isi? nina si Paldo enmo tong mengkuso bapa Ucok dai . bakunenolamo canna, mella aku jurusen Tehnik Komputerngo we ninamo. Labami we, mella bagi mulak aku perjolo ti we, sai suksesnamo sikolami dok si Paldo enmo taba dengannni, ialusi dengannenmo ue Paldo, lias ate we, hanjar-hanjarko da ninamo taba si paldo en. Oh labani iakap I dok si Paldo enmo ibagasen ukurna, kunengon dia rasana kundul I perguruan tinggi I, katenamo. Naing irasaken ia katena kundul iperkuliahen kunu sedari,, tapi sadarmo ia, soh daharikinpe oda bakalen boi tercapai angan-anganna lako mengantongi gelar sarjana pendiikan I, ala pogosna.

Oda terasa, go bages berngin, manganmo kalak I, kesaa habis mangan,” idokken omaknamo, Paldo, mengrantomoko pa,, tulusimo kerejomu. Mella lot gajimu simpannken, asa boi ko kipersikkolaken dirimu, mlla kami paldo, tangiang naingo kssa boi terberre pa, piker-pikirimo I da pa”. sipmo si Paldo en, lausmom ia mi kamarna, itarikmo selimutna, ipikir-pikiri iamo kade sini dokken orangtuana ndai. Tapi tonggo mendelle ia, mlla bekkin inang dekket bapaku pasti odango bagi sidappeteneku ninamo ibagesen ukurna, langsung meddemmo ia.

Bagimo melle pogos, niat naing dares sikkola, tapi kepeng nola odalot lako kipersikkolaken.

Nasip sidagingmo bagi. Tapi tonggo ia rajin mengula mengurupi bapana ijuma.

-----------------------------------Bersambung------------------------------------

 CIptaan : Meduk Hotdiatmo Sinamo:*

lias ate

Komentar

Posting Komentar

Postingan populer dari blog ini

umpama pakpak

-
  UMPAMA PAKPAK Oleh BASAR H.SINAMO   1.Sada tambah sada Jawabna   tuhungo dua Tah idike lot salah perkata Asa mersimaklumen mo kita meraduna   2.Kabang Nina Renggisa Seggep ibatang pola Tah kunu kipangan kessa kami mbisa Otang pemales kami kade poda 3. Cimbakbak-cimbukbuken Urat ni balnggea Sai ulangmo kene dak ngut-nguten Ulang moyang ate nideba 4.aceh nina sipihir tulan Tanohna pilih-pilihen Sae maseh mo ate ni Tuhan Ipedaohmo banta nai persilisihen       5.Salak dalan lako mi Mungkur Sibande dalan mi Boang Tah Isengo sisalah ukur Sidaging enggo jadi terbuang 6.Nantimbo Mi Lae Ikan Lae Sre Turah Tembeski Mipengido Mendahi Tuhan Asa Ibere murah rejeki   7.Isindeka mbuengo Galuh Turahna irebe-reben Sai dekahmo tuhu kene geluh Janah ulang kade-kaden   8.Nibetbetmo sempula Nirapetmo dahan-dahanna Si empetmo tuhu mengula Asa dapetmo siangan-angan   9.Tapak-...
Baca selengkapnya

Anak kos ingat orang tua ketika yang habis

-
 ketika anak kos miskin baru ingat orang tua ambil HP sms atau telepon  mak uangku habis bukannya menanya kabar bagai mn tp ambil HP mak kirimkan uang sekian.... sungguh menyakitkan bagi orang tua kita, dia sedih  pada mlm hari dia merenung dan didalam hatinya  oh Tuhan sadarkanlah anakku, dia hanya ingat ibu n bapaknya pd saat dia mau meminta uang sesudah uang saya kirimkan dia lupa kepada kami selama uang masih ada dikantongnya sedih sekali perasaanya dan saya yakin air matanya pasti jatuh. itu pastiiiiiiiiiiiiiii maka dari itu , buat kita anak2 kos janganlah ingat orang tua kita setelah kita tak punya apa-apa atau uang kita sudah habis baru ingat orang tua kita  sekarangkan ada gratis sms ada yg gratis 1000 sms satu sms aja kepada orang tua kita , itu sudah luar biasa dan sisa gratisnya terserah kamu,  yakinlah pasti mereka senang kalau kita selalu kirmkn sms kepada orang tua kita dan didalam hatinya ternyata anakku ini tidak lupa kepada kami, dia selalu...
Baca selengkapnya

Lebih peduli siapa?

-
 #Renungan  Seorang pria menyembelih seekor sapi besar, menyalakan panggangan dan berkata kepada putranya, "Nak", panggil orang yang kita cintai dan tetangga untuk makan bersama kita.. mari kita berpesta!".  Putranya turun ke jalan dan mulai berteriak: "Tolong bantu memadamkan api di rumah ayah saya!  Setelah beberapa saat, sekelompok kecil orang keluar, dan sisanya bertindak seolah-olah mereka tidak mendengar teriakan minta tolong.  Mereka yang datang makan dan minum sampai kenyang.  Ayah yang tertegun menoleh ke putranya dan berkata kepadanya;  "Orang-orang yang datang saya tidak mengenal mereka dan belum pernah melihat mereka sebelumnya, jadi di mana orang yang kita cintai, keluarga, dan rekan kerja?."  Putranya berkata, "Mereka yang keluar dari rumah mereka datang untuk membantu kita memadamkan api di rumah kita dan bukan untuk pesta. Merekalah yang pantas mendapatkan kemurahan hati dan keramahan kita".  KESIMPULAN: Terkadang, menyamarlah...
Baca selengkapnya